Додека мајчиното млеко обезбедува најцелосна форма на исхрана за доенчиња, вклучувајќи ги и предвремените и болните новороденчиња, постојат ретки исклучоци кога мајчиното млеко или доењето не се препорачуваат.
Контраиндикации на доењето или хранењето со одмолзено мајчино млеко кај доенчињата
Лекарите треба да направат проценка на сите случаеви индивидуално за да утврдат дали незините животни услови, нејзината здравствена состојба или здравствената состојба на новороденчето бара да се прекине, паузира или никогаш да не се започне со доење.
Мајките не треба да ги дојат или да ги хранат со одмолзеното мајчино млеко своите доенчиња доколку
- Доенчето е дијагностицирано со класична галактосемија, ретко генетско нарушување на метаболизмот
- Мајката е заразена со вирусот на хумана имунодефициенција (ХИВ) (Забелешка: препораките за доење и ХИВ може да бидат различни во различни земји)
- Мајката е инфицирана со човечки Т-клеточен лимфотропен вирус тип I или тип II
- Мајка користи недозволена улична дрога, како што е PCP (фенциклидин) или кокаин (Исклучок: мајки зависни од наркотици кои се вклучени во надгледувана метадонска програма и имаат негативен скрининг за ХИВ инфекција и други недозволени дроги можат да дојат)
- Мајка има сомневање или потврдена болест на вирусот Ебола
Мајките привремено не треба да дојат и НЕ треба да ги хранат со одмолзено мајчино млеко своите доенчиња доколку
- Мајката е заразена со нетретирана бруцелоза
- Мајка зема одредени лекови(повеќето од лековите се компактибилни со доење,препорака да се консултирате со IBCLC советник за доење пред да престанете да доите доколку земате одреден лек или поради одредена состојба треба да пиете одреден лек)
- Мајката е подложена на дијагностички снимања со радиофармацевтски производи
- Мајката има активна инфекција со херпес симплекс (HSV) со присутни лезии на дојката (Забелешка: Мајките може да дојат директно од незасегната града доколку лезиите на погодената дојка се целосно покриени за да се избегне пренесување)
Мајките можат да продолжат со доењето откако ќе се консултираат со лекар за да одредат кога нивното мајчино млеко е безбедно за нивното дете. На овие мајки треба да им се даде поддршка за лактација за да научат како да го одржат производството на млеко и да ги хранат своите деца со пастеризирано донорско мајчино млеко или формула додека не почнат повторно да дојат.
Мајките привремено не треба да дојат, но можат да хранат со одмолзено мајчиното млеко доколку
- Мајката има нетретирана, активна туберкулоза
- (Забелешка: Мајката може да продолжи со доењето откако таа 2 недели соодветно ќе се лекува и ќе приложи доказ дека повеќе не е заразна)
- Мајката има активна варичела инфекција (сипаница) која се развила во рок од 5 дена пред породувањето до 2 дена по породувањето
Предупредувањата за просторно и контактно привремено одвојување на мајката и новороденчето можат да бидат корисни, за кое време одмолзеното мајчино млеко треба да му се даде на новороденчето од друг близок член на семејството или дадилката. Мајките ќе можат да продолжат со доењето откако ќе се консултираат со лекар за да се одреди кога ќе биде отстранет ризикот од ширење на инфекција. На овие мајки треба да им се даде поддршка за лактација за да научат како да го одржат производството на млеко додека не го дојат и / или додека го изразат своето млеко.
Дали за време на доењето лековите се безбедни?
Некои лекови се контраиндицирани за време на доењето. Иако многу лекови преминуваат во мајчиното млеко, повеќето од нив немаат познат негативен ефект врз снабдувањето со млеко или благосостојбата на новороденчето. Сепак, давателите на здравствени услуги секогаш треба да ги земат предвид ризиците и придобивките при препишување на лекови за доилките.
