▶ ТЕМА: БРЕМЕНОСТ, ПОРОДУВАЊЕ, МАЈЧИНСТВО,
ДОЕЊЕ И НЕГА НА НОВОРОДЕНЧЕ ◀
▪ Од 2 до 28 Октомври
▪ 8 часови (Понеделник – Среда)
▪ 4 модератори
▪ Изненадувања за секој учесник
▪ Промотивна цена (за првиот семинар): 2.500,00 ден.
▶ Локација: Хотел Скала – Водно (Тодор Александров 85)
МОДЕРАТОРИ:
▪ Јасна Апостолски Николов – дипл. мед. сестра, IBCLC
▪ д-р. Драгана Емел Маркоска – спец. педијатар
▪ д-р. Билјана Силјановска Гиговска – спец. гинеколог – акушер
▪ Бојана Стојменовиќ – психолог, семеен и системски советник
ПРОГРАМА:
▪ 1 час (2 октомври – 19:00 – 20:30)
– Подготовка за породување
– Психофизичка подготовка за породување
– Основни совети за правилен почеток на доењето и лактацијата
– Важноста на доењето уште во првиот час после раѓањето
– Состав на мајчиното млеко и неговата огромна улога во растот и развојот на новороденчето
– Улогата на консултант за доење
▪ 2 час (7 октомври – 19:00 – 20:30)
– Природно раѓање наспроти раѓање со царски рез (предности и негативни страни)
– Хигиена на раната (епизиотомија)
– Примена на епидурална анестезија за време на породувањето
– Положби за доење – во првите денови и по закрепнување на мајката
– Положби за доење кај предвремено родени бебиња и бебиња со одредени потешкотии во развојот (бебиња со вродени деформитети на колковите, бебиња со Torticollis – крив врат, бебиња со намалена мускулна трофика и тонус, и сл.)
▪ 3 час (9 октомври – 19:00 – 20:30)
– Што претставува лактацијата – совети за успешно доење
– Правилна поставеност на бебето на града – важен услов за успешно доење
– Знаци за глад кај бебето – како да ги препознаете и навреме да го поставите бебето на града
– Менаџмент за доење кај бебе кое има анкилоглосија (подврзан јазик) и кај бебе кое има горен френулум (подврзана горна усна)
▪ 4 час (14 октомври – 19:00 – 20:30)
– Болни брадавици – причини и начини за третирање
– Рамни, нормални и вовлечени брадавици – менаџмент и совети за доење
– Оштетени брадавици – стадиум на оштетување – причина и третман на истите
– Доење кај мајка која има појава на егзем, алергиска реакција, вирусна инфекција или појава на кандида на градата (брадавицата или ареолата)
▪ 5 час (16 октомври – 19:00 – 20:30)
– Препознавање на преполнети гради – совети за мајките како да ги третираат и да спречат појава на мастит
– Мастит – инфективен и неинфективен
– Појава на абсцес кај лактациска дојка – доење кај мајка која има абсцес
– Употреба на лекови кај мајка која дои
– Контраиндикации за доење – привремени и апсолутни констраиндикации
▪ 6 час (21 октомври – 19:00 – 20:30)
– Употреба на силиконски брадавици кај предвремено родените бебиња
– Начин на одмолзување на градата – техника за рачно измолзување, измолзување со пумпа (каква пумпа да одберете)
– Чување, складирање и транспорт на мајчино млеко
– Употреба на галактогоги (суплементи кои поттикнуваат лактација)
– Исхрана кај доилки
– Алтернативни методи за хранење на бебето со мајчино млеко (шприц, лажичка, чашка или систем за релактација)
– Релакатација – што претставува и како можете повторно да го воспоставите доењето ако сте престанале да доите
▪ 7 час (23 октомври – 19:00 – 20:30)
– Нормални појави кај новороденче – физиолошка жолтица, нормална телесна температура, пеленски дерматит
– Хигиена и лапизација на папоче
– Употреба на пробиотици кај новороденчето
– Инфантилни колики – совети за родителите
– Нега на новороденче
– Суплементирање на новороденче со Витамин Д, Витамин К и Омега 3, улогата на овие суплементи за превенција и развој кај новороденчето
– Следење на раст и развој кај новороденчето – висина, тежина и обем на глава, употреба на перцентилни криви од страна на матичните педијатри
– Физиолошки напредок кај новороденчето кое се дои – колку треба да напредуваат во тежина, кои се долните граници за напредок во тежината доколку бебето е на ексклузивно доење
▪ 8 час (28 октомври – 19:00 – 20:30)
– Доење кај мајка која имала психолошка траума во детството, кај мајка кај која е присутна одредена психолошка состојба за време на доењето
– Постпородилна депресија – совети како да се справите со истата
______________________________
Почитувани трудници, идни мајки и доилки,
Ве покануваме да присуствувате на престојнииот семинар во кој ви нудиме соодветна подготовка за бременост, доење и мајчинство. Семинарот опфаќа теми кои според долгогодишното искуство на предавачите се многу корисни и од голема помош во бременоста, раѓањето, мајчинството и доењето. Семинарот е во организација на Центарот за мајки “ЗДРАВО БЕБЕ”.
За прв пат имате можност да добиете стручни совети и соодветна подготовска за доење од првиот меѓународен сертифициран консултант за доење Јасна Апостолски Николов, дипл. мед. сестра, сертифициран едукатор за психофизичка подготовка на трудници. Соодветни совети и подготовка за раѓање од спец. гинеколог – акушер Билјана Силјановска Гиговска, нега на новороденче и соодветни совети за мајките од спец. педијатар Драгана Емел Маркоска и подготовка за раѓање како и совети за постпородилниот период од психолог, семеен и системски советник Бојана Стојменовиќ.
По завршување на секое предавање сите учесници имаат можност за поставување на прашања за што е предвидено време за истите.
По завршување на семинарот заклучно со последниот час следува дружење со сите предавачи – едукатори, можност за дополнително запознавање, дискусија и поставување на прашања од темите кои се обработени на семинарот.
Ви благодариме за довербата!
Тимот на Здраво бебе ♥
ПРИЈАВА ЗА СЕМИНАР
Ве информираме дека откако ќе се пријавите ќе бидете контактирани од тимот на Здраво Бебе – Центар за мајки за да ја потврдите пријавата.
