Повеќето мајки создаваат многу млеко за своите бебиња. Но, и многу мајки се грижат за тоа дали имаат доволно млеко. Проверката на тежината и растот на вашето бебе е најдобриот начин да бидете сигурни дека тоа добива доволно млеко. Известете го вашиот лекар, доколку сте загрижени.
За повеќе начини на сознавање дали вашето бебе добива доволно млеко, посетете го делот. Како да воочам дали моето бебе добива доволно млеко?
Може да има моменти кога мислите дека вашето снабдување со млеко е слабо, но всушност е добро:
Кога вашето бебе е околу 6 недели до 2 месеци, и не ги чуствувате вашите гради полни. Тоа е нормално. Во тој период, вашето бебе може да цица само пет минути на едно храњете. Ова може да значи дека вие и вашето бебе само се навикнувате на доењето – и сте добри во тоа!
Брзиот развој може да го направат доењето подолго и почесто. Овие промени во растот често се случуваат околу 2 до 3 недели, 6 недели и 3 месеци. Исто така, може да се случат при брз развој. Не грижете се дека вашето снабдување е премногу слабо за да го задоволите вашето бебе. Следете го водот на вашето бебе. Доењето се повеќе и почесто ќе ви помогне да го зголемите снабдувањето со млеко. Откако вашето производство на млеко ќе се зголеми, најверојатно ќе се вратите во вообичаената рутина.
Што треба да направите
- Бидете сигурни дека вашето бебе е добро прицврстено и позиционирано.
- Дојте често и дозволете му на вашето бебе да одлучи кога ќе заврши хранењето.
- Понудете ги двете гради при секое хранење. Оставете го вашето бебе на првата града се додека цица и голта. Понудете ја втората града кога бебето успорува или застанува.
- Избегнувајте да давате бебешка формула или житна исхрана како додаток на вашето мајчино млеко, особено во првите 6 месеци од животот. Вашето бебе може да го изгуби интересот за мајчино млеко, а вашето млеко ќе се намали. Ако треба да го дополните хранењето на вашето бебе со повеќе млеко, обидете се да користите лажица, чаша или пипета полна со измолзено мајчино млеко.
Консултирајте се со вашиот лекар за здравствени проблеми, како што се хормонални проблеми или примарна градна инсуфициенција, ако горните чекори не помагаат.
