Да. Вашето мајчино млеко се менува во деновите по раѓањето и продолжува да се менува како што расте вашето бебе. Дознајте што ќе се случи со вашето млеко, вашето бебе, и со вас во првите неколку недели.
Раѓање
Млеко: Вашето тело создава колострум (богато, густо, жолтеникаво млеко) во мали количини. Тоа му дава на вашето бебе рана заштита од болести.
Бебе: Вашето бебе најверојатно ќе биде будно во првиот час по раѓањето. Ова е добро време за доење на вашето бебе.
Вие (мама): Нека вашето бебе го започне процесот на барање на вашата брадавица. Овој начин на доење може да му помогне на вашето бебе да има добро доловување на брадавиците.
Првите 12 до 24 часа
Млеко: Вашето бебе ќе пие околу 1 лажичка колострум при секое хранење. Вие не може да го видите колострумот, но во себе го содржи она што на вашето бебе му треба и во вистинската количина.
Бебе: Нормално е бебето да спие многу. Трудовите и породувањето се напорна работа! Некои бебиња сакаат да се галат и можеби во прв момент ќе бидат премногу поспани за да се припојат на градата. Хранењето може да биде кратко и неорганизирано.
Вие (мама): Вашето тело се уште се создава колострум. Искористете ги предностите на силниот инстинкт на бебето да цица и се храни по будењето на секои неколку часа за вашето млеко побрзо да се лачи.
Следните 3 до 5 дена
Млеко: Вашето зрело (бело) млеко го зема местото на колострумот. Нормално е зрелото млеко прво да има жолто или златна нијанса.
Бебе: Вашето бебе ќе се храни многу, најмалку 8 до 12 пати или повеќе за 24 часа. Многу мали доенчиња не јадат по распоред. Во ред е ако вашето бебе јаде на секои 2 до 3 часа, а потоа спие 3 до 4 часа. Хранењето може да трае околу 15 до 20 минути на секоја града. Цицањето на бебето ќе биде бавно и долго. Бебето може да прави чудни звуци.
Вие (мама): Можеби ќе ги чувствувате вашите гради полни и да протекуваат. (Можете да користите памучни или влошки за еднократна употреба во вашиот градник за да го спречите протекувањето.)
Првите 4 до 6 недели
Млеко: Продолжува да се произведува белото мајчино млеко.
Бебе: Вашето бебе сега веројатно ќе има подобра рутина во доењето и има поголем желудник да внесува повеќе млеко. Хранењето може да трае пократко па можете да имате малку време за себе.
Вие (мама): Вашето тело се навикнува на доењето. Вашите гради може да омекнат и протекувањето може да се забави.
